余文樂女友王棠云（原名王予柔）係台灣「皮帶大王」之稱、亞美集團總裁王東生嘅獨生女，身家億億聲，加上王棠云都唔係完全做「伸手牌」，佢自己都有開工嘅，做過model，又拍過吓劇咁，包括台劇《流氓校長》同《料理情人夢》，另又拍過周杰倫首《雨下一整晚》嘅MV等，但係王棠云出入有名車接送，過嘅係公主生活。
不過，早前有傳王東生位於台中的四間豪宅「天璽」遭台中地院拍賣，而位於台中市西屯區的豪宅「精銳紐約之星」，本由集團旗下公司前負責人信託登記給一名陳姓男子，喺今年8月30號亦由台中地院進行二拍程序，但沒有人投標，最後宣告流標。
而喺今年初，即係余文樂同王棠云認愛冇幾耐，就有傳王東生名下之亞美集團累積欠下廠商20幾億新台幣資金(約4.8億港元)，甚至已倒閉，更有人爆料指目擊4名黑衣人，揸住架白色車到王棠云經理人公司樓下追債，車上仲掛紅布寫住「亞美集團王東生，騙人血汗錢出來面對」，逗留3小時唔肯離開。事後王棠云經理人公司承認事件，但就話「爸爸公司的事情就交給家裡的長輩們處理」，估唔到，事隔數月又嚟一單。
咁事件女主角王棠云又點呢，好似心情唔係好受影響，上個月23號係佢29歲生日，仲如常慶祝，又喺Instgram留言話：「今年生日很開心，很幸福，很感謝身邊這麼多愛我的人。」睇嚟真係好無憂咁……