45歲法國老將杜利萊陷低潮，國慶日完全冇座騎，剛周四（5日）晚谷戰原本亦冇馬跑，幸得練馬師方嘉柏仗義相助，推卻其他騎師索騎，主動打電話給杜利萊，向他提供「同進」結果勝出，否則杜利萊今季仍未開齋。
賽後杜利萊概嘆，表示自己已老了，香港現在有很多後生騎師，自己是上一代騎師，搵食非常艱難。
從數據看，今季跑過10次賽事，杜利萊只曾出賽22次，即平均每次只有2.2匹座騎，少得可憐，仲衰過賴維銘的平均3.5駒。
不過，義氣仔女不止方嘉柏，周日（8日）沙田賽事，杜利萊又遇上另一「好心人」，就是練馬師鄭俊偉，向他提供一對馬「和諧氣氛」、「家樂駿駒」，這亦是杜利萊全日僅有的兩匹座騎。
這對戰馬絕非陪襯角色，第七場四班1650米泥地的「和諧氣氛」已跨季三仗全上名，近況甚佳，今次再戰最擅長的泥地一哩，自然有可為。
而第九場三班泥地1650米的「家樂駿駒」季內已熱身兩仗敗不脫節，狀態正逐漸到位，睇嚟杜利萊毋須咁快心淡，如果又有馬贏，一定可以惹來更多支持。