世界盃於1930年創辦，過多13年就係100周年，三國南美國家阿根廷、巴拉圭及烏拉圭，就希望合辦2030年嘅百年世界盃。三國元首周三喺布宜諾斯艾利斯總統府公告天下，雖然家陣離申辦仲有好長時間，但預計到時競爭一定激烈，好多歐洲國家都諗住投標，當然仲有中國。1930年首屆世盃就係烏拉圭主辦，呢個可能係南美三國爭取最後勝利嘅優勢。