【爆相爆片】鍾嘉欣去年結婚嫁脊醫老公Jeremy，再生了得意B女Kelly後，大部份時間都留在加拿大生活，閒時才返港出席活動賺奶粉錢。前日，嘉欣去電台接受老友馬浚偉訪問，她亦在Ig貼出母女相，但原來今次陪她返香港，不只有囡囡一個，其醫生老公都有一同返香港。
嘉欣老公十分怕醜，除了大婚當日被傳媒拍照，之後都甚少和嘉欣及囡囡合體出現。不過，今次返香港就被本報讀者陳小姐撞個正着，並透過《蘋果》「爆相爆片」分享了相片。
耷低頭急步行
讀者陳小姐透露：「星期日（1日）下晝2點半，見到嘉欣推住載有囡囡Kelly嘅BB車，喺機場嘅入境大堂出現，同行仲有佢老公Jeremy，二人均戴着黑色太陽眼鏡。陳小姐續謂：「嘉欣戴住黑超出嚟，佢老公都有戴黑超，喺後面負責推行李。見佢哋一出大堂就行得好急好快，又耷低頭，所以都冇乜人見到佢哋，之後佢哋就沿住大堂直行去停車場。」
中秋探親敍舊
據知，嘉欣今次和老公、囡囡返香港，打算在香港逗留兩個星期，趁中秋節假期探親兼和朋友敍舊，之後嘉欣會飛馬來西亞出席活動，一家三口便會轉飛當地。其實，明年嘉欣便和無綫約滿，已經兩年未有拍劇的她，有指稍後會拍新劇《再創世紀》，無綫為遷就她，劇組會去溫哥華拍外景一個月，方便嘉欣工作之餘仍可以湊女。
撰文：李察