現年20歲嘅韓國女團「15&」成員朴智敏，2012年於選秀節目《K-pop Star》第一季中奪冠，之後加入JYP事務所並出道。當時朴智敏行實力派路線，身形偏圓潤，有指JYP冇特別叫朴智敏減肥，想佢專心於唱歌事業上。不過「15&」近年甚少活動，兩位成員近年基本上係分開發展，當中朴智敏就積極減肥，之前已成功減重22磅。
朴智敏近期亦不斷運動及調整飲食，臉頰變得更V、手手腳腳都瘦咗好多，更瘦到跟以前唔同晒樣，雙眼變得更大、五官更立體，因而引來網民留言「整咗容？」、「認唔到係朴智敏」、「之前比較有特色」，亦有粉絲表示「變漂亮了，但我更欣賞佢嘅才華」、「希望快啲出新歌」等。