胡杏兒B仔大腳板

胡杏兒B仔大腳板

胡杏兒陀BB鼻變大,早前與老公李乘德已為腹中Baby Lee開派對,宣佈今胎生仔,她早前透露預產期會是本月底,考慮會順產生B,不過又擔心陣痛,驚自己「唔知捱唔捱到」。離Baby Lee出世,估計尚有三星期,杏兒已重了20磅,更指BB成日在她肚皮裏打觔斗,又喜歡「拳打腳踢」勁活躍。

杏兒在Ig上貼出B仔的腳板,笑說大到似大人。

前晚杏兒在Ig貼了一幅B仔腳板4D圖出來,以英文留言BB是大腳八:「B仔隻腳板好大,大到似大人腳咁,難怪踢得媽咪咁痛。」杏兒的閨蜜「胡說八道」成員姚子羚就說:「乾媽來睇吓。」雖然,杏兒呻陀B辛苦,生仔又怕痛,不過她之前曾講過想生3個。
撰文:唐如