中秋節做節食飯必備靚雞一隻，不想動手親自煮的話，買外賣也是個不錯選擇。以下推介的三間食肆的招牌菜也是雞，不過記得最好要先預訂，總有一隻啱你心水。
1.中環樓上舖頭抽雞
「雞功房」老闆曾經在中環開地舖專賣蟹，後來因加租而轉戰樓上舖及賣雞。三款招牌雞除堂食散叫外，還可以全隻外賣。頭抽雞用本地大孖醬園頭抽浸三黃雞，海南雞就以客家鹹雞做法製作，更反傳統不浸冰水，而黃酒雞的糯米酒則是老闆親戚自家釀製，加入紅棗、蟲草花、圓肉及杞子等熬六小時，百分百天然無添加。
雞功房
地址︰上環永樂街5號世瑛大廈2樓201室
2.荃灣打不死華香雞
「華香雞」在1988年開第一間店，當時經常大排長龍，怎料因禽流感要退下戰場。去年老闆重出江湖，重賣昔日大熱的華香雞。以廣州三黃雞即劏即煮，過三次冷河才直送香港，再用秘製白滷水浸45鐘，雞肉嫩滑多汁。如嫌白切雞太悶，可以試試茶香雞，滷水加生抽及老抽，再用烏龍茶葉加黃糖熏一小時，非常甘香。
華香雞
地址：荃灣海濱花園六座海霞閣地下121A號舖
3.大圍考工夫百寶雞
「百寶雞」的百寶雞雖然是豉油色，但並非用豉油滷成，而是用香料水。每隻雞四斤重，浸45分鐘再掛起用風扇吹乾，不過最考工夫還是斬雞，主骨要全部去掉，再拆細骨，還要去雞皮及肥油。皮每塊薄至透光，不肥膩，最後再砌回全隻上碟。
百寶雞
地址：大圍積信街41號
記者︰黃依情
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily