周四（5日）跑馬地夜賽用A跑道，睇番上月6日同一欄位賽事，由第1至6檔包辦頭馬，中內檔馬仍佔優勢。
此外，今季谷草跑道頗利飛出外叠冚，最近一次谷A欄就分別有「事必獲利」、「雷公鑿」、「一道」及「勇敢傳說」從中後位置衝上贏馬，後駒更加飛出大外叠衝贏，故此靠後勁食糊馬都唔可以睇小。
今戰列陣馬中，第二場「全勝姿態」五次跑谷A欄，僅一次不入前四名，而且係全場唯一贏過此欄位之參戰馬，憑較佳場地性能可回復表現。
另外，第六場「怡德」10次角逐谷一哩一哩僅一次不入前四名，上仗正是於9月6日賽事跑第二，等番A欄再跑有力收復前失。