在世界球壇裏，一談及二奶命，相信唔少人第一時間會聯想前德國球星波歷克，事關呢位德國人喺職業生涯中，一共奪過16個亞軍，其中14個來自所屬球會，而另外2個則是個人獎項，佢係足球史上奪得亞軍最多的球員之一。
不過二奶命又何止人類？近年馬圈都出咗一匹二奶馬，其名字是「喜特來」。此匹油王高多芬集團轄下七歲馬一直都屬馬壇悲情馬，過去累積出戰14次一級賽，多達四場都係跑第二，其中有兩次均敗於澳洲連勝馬后「雲絲仙子」蹄下，可謂生不逢時。
幕後本來諗住認命，特意避開「雲絲仙子」，從而出戰昨日（1日）的一級賽木下錦標（1800米），點知二奶命繼續纏繞「喜特來」，就算騎師麥維凱於末段力策下，但追極都追唔到喺佢前面嘅OK哥布文座騎「法北水都」，再一次屈居亞軍，亦令自己的一級賽第二名增至五次。
其實「喜特來」已贏過兩項一級賽，實力絕不簡單。
圖片來源：互聯網