前NFL球星OJ森遜（O.J. Simpson）2007年因為喺賭城一間酒店，搶劫兩位運動紀念品交易商，翌年法庭判佢收監33年，但刑滿九年就可以假釋。現年70歲嘅森遜喺周日獲假釋出獄，但內華達州保釋官表示，森遜短期內都唔可以離開賭城。當有記者問森遜自由嘅感覺係點時，佢就話自己出獄後坐咗幾個鐘車，仲未感覺到自由；問佢打算去邊時，佢仲反問：「關你鬼事？」