林鄭治下，點只局長唔得閒，副局長都唔敢怠慢！雖然噚日係紅假，商經局副局長陳百里卻冇休假，趁內地十．一黃金周期間，單拖到土瓜灣視察，佢話酒樓同商店人流都幾多，旅行社都有加派人手維持秩序，人群喺短時間內有序地疏散，希望商舖做好生意同時，盡力將對周邊市民嘅影響減至最低。
據知過往唔少區內居民向當局投訴，話旅客到訪搞到人多車塞，希望政府關注，似乎陳百里呢次出巡，有啲目的喎！八方問過陳百里，佢話不時都同旅遊業界同地區朋友交流，希望日後繼續溝通，盡力解決問題。佢仲話期間巧遇海關人員巡查該區旅行團購物點，向旅客、零售商戶同旅遊從業員派發有關《商品說明條例》嘅宣傳單張。