雨傘運動後，十一順理成章，成為928+3，或者九月三十一號。明天，餘慶無多，普通人無乜選擇：
a.想像一下，信基督拜觀音，做中國人。你會發現超hea的自己小確幸過那個鄉黑契弟。
b.實戰一下，應徵做巴士司機，聲稱有執業資格，睇吓猛話請人難的管理層請唔請你。（獲聘的話，叫親戚朋友千萬避開那條巴士線。）
c.爭氣一下，各家大學民主牆位置，被土地小組建議，明年十一有機會，起樓！學生優先入住，鐘意撕海報的對家，跟港豬爭樓住，誰會爭贏？李國章神算，早就預言咗個結局。
d.扎醒一下，在國歌法未定案前，明日盡情跪地、趴地、踎地、𧄌地好了……做真正不願起來的人們。
e.盡孝一下，別跟阿媽講：我要搬出去住，我這個香港仔要獨立！獨立？你阿媽好大罪！慈母多敗兒，連坐法，知死未！
f.冷血一下，蠢人太多，今明兩日，有人應景大喊：國慶！殺！無赦！唔睇一哥個環境就報警嗎？告你濫用999自由。一股歪風吹歪了法官的假髮，條法律底線，無睇錯，是五星旗那種赤紅色的！