明日民間團體發起聲援政治犯遊行，八方聽聞泛民政黨會動員參與，社民連仲連黃浩銘都會出席，咪住，阿銘乜唔係坐緊政治監咩？點解可以去遊行？大家放心，阿銘唔係逃獄出嚟遊行，而係社記整咗塊黃浩銘嘅人形紙牌（圖），帶埋呢個「阿銘」行十．一遊行。
社記計劃將「阿銘」放喺十．一遊行嘅攤檔到，希望就算「真．阿銘」仲坐緊監，呢個「阿銘」都可以同市民一齊參加遊行，唔會被困住，又可以同市民合照，由於阿銘個人一向開朗，就算當日知可能要坐監，佢一樣冇喊苦喊忽，所以社記特別揀咗張阿銘笑容可掬嘅相，做呢個等身大人形紙牌，到時市民可以去社記檔口探吓呢個「阿銘」。