禮拜日（10月1日）田草十場賽事用A加3跑道，上季國慶賽日亦係用A加3欄，賽果具參考性。當日頭六場賽事，總共有四匹頭馬係一放到底，前置馬優勢頗大，不過去到尾段場次卻由居中後上馬包辦頭馬，如「傲飛星」（已退役）、「壯思飛」及「醒蹄飛」都係從中後位置憑後勁反先對手勝出，所以都要提防壓地後臨場形勢會逆轉。今戰列陣馬中，頭場「正是你」兩次角逐A加3欄1200米均上名，均速馬用巫顯東減磅有力放到。另外，第三場「歐洲巨星」在田A加3跑道一戰即勝，亦全場唯一贏過此欄位之參戰馬，憑較佳場地性能可再勝。