西環換馬，新紮那位王大叔面懵心精，點睇殺無赦君？
一，日日都係七月十四，睇到都當睇唔到。上手的契仔，點知會唔會暗中設局，裝我彈弓。
二，割席，佢有佢還。西營盤一路向西，跟那些低水平、累阿爺的契仔契弟無偈傾。佢地那個西，是歸西的西。
三，除了偽稱執業，他的學歷也有問題，連帶撐他的那幾個立會同事，申報學歷明顯假大空、淘寶化！唯有避之則吉。冒牌大閘蟹你都唔食啦係咪先！
四，殺無赦，幾時輪到佢講，當操生殺大權的習大大透明咩！欺君犯上，死罪嚟㗎！
五，犯眾憎還扮啜核，抵死嘅，打佢小報告的人太多了，單係張融已經有十萬份聯署叫我叮走佢，你明我幾難做啦。
六，大局以和為貴，黑社會有愛國的，但愛得太揚，中環吶喊，又打又殺，無規無矩。姓何的唔係澳門何生的親戚吧。這是愛之深，責之切，反省吓。