已退役嘅牙買加飛人保特,雖然上月喺世界田徑錦標賽遺憾告別,但睇嚟佢𠵱家心情已經好番晒。保特最近就同女友班妮特開船P,班妮特喺社交網站上載咗船P片段,好自信咁影自己嘅身材,男友保特就喺架船上high到爆,一路唱歌一路跳舞,而片入面其中一個鏡頭,影到架遊艇個名叫「The Dominator(統治者)」,聽落都幾霸氣。退休後無憂又多錢,保特梗係慢慢嘆世界,唔知下次又有咩搞作呢?