前中國女排隊長魏秋月早前喺全運會宣布退役，而佢噚日就度過咗29歲生日，當日更同未婚夫袁靈犀攞證結婚，真係雙喜臨門兼甜蜜爆燈！1988年九月出世嘅魏秋月原本係天津女排隊員，2008年喺北京奧運幫國家隊攞銅牌，嚿年里約奧運更協助球隊重奪金牌。魏秋月喺舊年聖誕節接受咗袁靈犀求婚，今年七月兩個嘅婚紗相已經曝光，噚日佢哋終於成為合法夫妻。