足總決定將富力主場對傑志（圖）改到斧山道舉行後，港超球會紛指安排不公兼有厚待傑志之嫌。噚日喺傑志中心備戰富力嘅教練朱志光話，足總調動場地，一貫由主隊同足總協調，球隊都係上周先知，之前仲為外援辦理中國簽證。朱sir話傑志喺今次事件係完全被動。消息指，八支港超球隊已入信足總要求交代，如足總堅持喺斧山道進行，其餘八隊或拒北上作客富力，足總就話冇補充。