一地兩檢民意戰開打，坊間反應似乎仲係一般，可能因為涉及複雜嘅法理問題，政府隨時可以蒙混過關，有大狀黨之稱嘅公民黨搞咗四條易入口嘅短片，由黨魁楊岳橋擔綱，話你知道原來一旦政府喺西九總站進行一地兩檢，喺執行內地法嘅內地口岸區，港人毋須經過法庭審訊，隨時無情情被內地關口嘅人員行政拘留15日，港人嘅人身自由同安全係相當令人擔心。
楊岳橋喺短片話，一地兩檢其實就係將國際法治排名第80位嘅中國法律，夾硬放喺排喺第16名嘅香港土地上，將來香港人將隻腳踏入西九龍總站嘅內地口岸區，就會一踏就跌咗64級，香港人以為好正常喺香港唔會犯法嘅行為，一喺內地口岸區就犯咗法都未必知道。
若想了解更多一地兩檢ABC，可到以楊岳橋facebook專頁了解更多。
網址為 http://www.facebook.com/AlvinYeungCP/