沙中綫大圍至紅磡段將要到2019年先通車，當中兩個新車站分別叫土瓜灣站同馬頭圍站，不過曾有市民鬧過港鐵改錯名，因為馬頭圍站實際位於土瓜灣，應叫土瓜灣站先啱。日前有網民喺fb群組「香港鐵路迷討論區」，上載一幅港鐵未來路線圖，入面包括沙中綫車站名稱，不過張路線圖就顯示土瓜灣站改名做宋皇臺站（圖），而馬頭圍站就變做土瓜灣站，而高鐵總站就命名為香港西九龍。
咁究竟沙中綫各站係咪改名？八方翻查港鐵網頁，沙中綫嗰兩個新站仲係叫土瓜灣同馬頭圍站。而港鐵回覆時話，沙中綫正式車站命名，要項目正式啟用時先會落實，至於有網民上載沙中綫嘅路線圖，發言人話只係港鐵內部用作協調同預備工作時作參考用途。