【金鐘】無綫前新聞財經「孖寶」林小珍同范巧茹去年底先後離職，有指因工作量太多而「裸辭」。兩人雖然各有新動向，感情依然好好。大前日佢哋約埋另一前主播趙海珠喺太古廣場飲下午茶，當時大概4點半，三人聚埋即雞啄唔斷，而林小珍更講到手舞足蹈，而珠珠就間中睇手機，佢坐咗半個鐘就先走，臨走前AA制擺低錢，而隔多一陣，范巧茹負責埋單。
馮仁昭打畀范巧茹問近況：「我同小珍𠵱家都係做part time，我喺《信報》工作，自由度好大，講番股巿同理財，會喺facebook播。學識好多製作知識，都係一腳踢，但做得幾開心。」而林小珍就喺網台講股，得閒就做MC：「主職湊女，工作好開心零壓力，我哋係閨蜜成日見㗎。」
撰文：馮仁昭
