法國名牌Hermès前晚在香港舉行神秘的「Men Upside Down」之旅，品牌MD、男裝設計總監等來港主禮，名人、星二代客串上場走2017秋冬男裝騷，馬德鐘19歲兒子馬在驤、王敏德父子檔和黃偉文等驚喜行catwalk，之後舉行千人派對，堪稱近年最揼本的大型時裝活動。
採訪：林妙萍
攝影：陳慧安
Hermès「Men Updside Down 」之旅前晚在啟德郵輪碼頭舉行，請來名人二代或influencers行時裝騷已成為天橋新常態，愛馬仕也來試一試，事前保密度極高的guest models list ，一路行一路驚喜連連。馬德鐘19歲兒子、游泳冠軍馬在驤第一次行騷，6呎高、身材健碩的他穿上格子外套出場，行得充滿自信、氣定神閒，一派模特兒格局。
馬太滿分
馬在驤在後台綵排時，獲設計師為他整衫，他說：「第一次行騷係好開心，為咁大嘅品牌行，條runway好長，好似一行出嚟，就越行越長咁，唔知自己行成點，要睇番先知。」事前已向父母取經，「佢哋好多經驗，貼士係叫我行番自然啲，好似平時行路咁。」
首做模特兒就行super brand，馬在驤坦言有興趣入娛圈，但要兼顧稍後開學的大學課程及游水，「下星期有大比賽，𠵱家因為我未返學，每個星期都會練九次水，每次兩個鐘頭。」至於媽咪馬太就給滿分，「幾意外，佢第一次行好自然，非常唔錯，入行呢啲都冇所謂，佢啱啱先19歲，我覺得係可以多方面試，令到自己人生更精采。」
濃淡得宜
Wyman一出場行騷，就響起歡呼聲及掌聲，行過許多騷的Wyman，指香港行騷壓力大，天橋上，還有王敏德和兒子王躍穎父子檔上陣、鄧永鏘女婿、朱鑑然和男裝雜誌主編等。
Hermès秋冬男裝以修身上裝搭配寬鬆褲形，深濃色彩及格子、印花等，營造日常luxury。Hermès男裝設計總監Veronique Nichanian出場謝幕後，與眾高層向來賓輕鬆打招呼，張艾嘉、霍啟剛郭晶晶兩夫婦、Hermès鐵粉袁詠儀都是座上客。
更多精采時尚內容，盡在 http://add.appledaily.com 。