今屆司局長中唯一女將、食物及衞生局局長陳肇始係護士出身，其飲食習慣可能值得大家學習。賽馬會刊物《駿步人生》今期專訪陳肇始，佢喺訪問話，自己係唔食生嘢，但絕對不怕食煎炸嘢，當然老套都要講句，「我吃蔬菜生果」。
1977年加入瑪麗醫院由學護做起嘅陳肇始，當初有傳佢獲委任做食物及衞生局局長時，外界擔心佢壓唔到場搞唔掂班醫生，但佢唔太同意：「無論出身於哪個專業，甚至是非專業，最重要是具視野，可以跟其他專業合作，大家認真去了解不同持份者的需要及有適切的溝通。」
講起同醫生打交道，原來陳肇始嘅媽媽就係醫生，自細就學識點樣同醫生相處，大家唔使替佢擔心。作為娥班子嘅唯一女將，佢認為男或女分別不大，只要本着「是其是，非其非」嘅態度，溝通時理性就無問題。