又有人想搵艾斯派拿拍愛情動作片？但今次唔係電影公司，係成人女星親自喺網上開腔，話想同呢位前哥倫比亞球星一齊拍片。
幾年前，其實已經有電影公司聯絡過艾斯派拿，希望佢加入成人電影嘅大家庭，但最尾好似因為業界有人反對，所以拍唔成。不過，艾斯派拿前兩年創立自己嘅安全套王國，推出自家安全套品牌Tino，又曾經搵過金毛獅王華達拉瑪，一齊同班成人女星拍雜誌封面，所以一直喺哥倫比亞當地，成為唔少女士嘅性幻想對象。
最近有位當地幾出名嘅成人片女星Amaranta Hank，就喺Twitter寫咗一句：「唔知同艾斯派拿拍色情片，會係點嘅呢？」結果即刻引嚟好多網民討論，但艾斯派拿似乎就繼續沉默，冇就呢件事發表過任何意見。
艾斯派拿球員時代效力過帕爾馬同紐卡素，當中喺紐記最後歡迎，早前網上又回帶熱播佢喺1997年歐聯比賽，曾經對巴塞隆拿連中三元嘅入球片段。