英國《BBC》報道,英超球隊曼聯喺2017年嘅財政年度錄得破紀錄5.8億鎊(約61.6億港元)收入。紅魔鬼喺呢一年先後贏得英格蘭聯賽盃及歐霸盃冠軍,球隊同時簽咗12份贊助合約,另外喺廣告及比賽日嘅收入亦有所增加。不過,真正令曼聯進賬最多係英超本土電視直播;截至6月30日,英超直播收入為1.94億鎊,較前一年1.4億鎊增長38%。今次係紅魔鬼連續兩年錄得超過5億鎊收入,球隊去年收入為5.15億鎊。