一語成讖，禍從口出，這幾日急改口謀脫罪的某君，發晒茅。有網友幫他度出求生走佬family式借口開脫，如下：
a當日我講過的廢話，當廢紙回收，cheap啲四毫子一公斤，我自己回收返晒去堆填區，滿意未？
b鄉下太公教落，個煞字跟個殺字共通，無呃細路，我屋企三代都識。只係班記者廢柴，讀屎片的。
c律師出得嚟行，殺身成仁，我預咗。
d用個殺字，實屬不幸，所以請不要在傷口灑鹽，別超越人性道德底……褲！真係痛過底線呀！
e我個兄弟上台講了個殺字，做埋割喉手勢，我梗要幫佢兜住，捱義氣嘛。我們圍村人，唔似你地有識之士，咁市儈咁契弟。
f西環好重視我這個愛國香港人！我敢講，殺出西營盤，升職做港澳辦主任的張大師，對個殺字不知幾like，威爆。
g當日中環吹緊歪風，我故意用個殺字，對撼暴力到爆燈的奪字。所謂慈母多敗兒，敗家仔，寄生蟲，唔殺咗佢做咩！