白鴿黨中委會前晚經過馬拉松式會議討論後，據知最終通過由該黨「伍姑娘」伍凱欣（圖），出戰因民記蕭嘉怡入政府做政助而引發的東華選區補選，近日為谷伍姑娘人氣，該區已見到唔少伍姑娘同黨友拍住上的橫額。
除此之外，八方聽聞白鴿黨又傾咗未來有機會出選下屆立法會的「種子計劃」人選，當中港島、九東、新西，除咗現任議員外無人報名，九西除咗現任議員黃碧雲外，就有該黨司庫袁海文同該黨重點新星、靚女吳思諾。
另外，要數最多人爭崩頭嘅選區，一定係新東，皆因除咗現任議員林卓廷之外，仲有該黨4名黨友，包括陳旭明、區鎮樺、李永成同莊榮輝，競爭可算係相當激烈。