禮拜日（24日）沙田七草三泥賽事，草地用全闊A跑道作賽。
睇番上季9月25日首次田A欄賽事，放頭馬無一能勝，僅兩駒入位，反而居中後上馬連場建功，如「索先生」、「君臨大地」及「縱橫大地」都係從中後位置反先對手勝出，靠後勁食糊馬不妨優先留意。
今戰列陣馬中，第五場「紅麗舍」跑田A欄一次即後上勝出，反而在其他移欄未贏過，今次返回強項贏面高。
另外，第三場「金鹿」乃全場唯一贏過田A欄之參戰馬，憑較佳場地性能有機會重開勝門。
至於三場泥地俱跑1200米，今季首兩場成同程賽事放頭馬「大收成」及「雲信凡高」均上名，周日第二場「御風雲」、第六場「勇冠多」及第八場「雲信凡高」等擅跑泥地之快馬可秤先。