求驗客手記:C朗復出 皇馬竟斷纜

求驗客手記:C朗復出 皇馬竟斷纜

西甲勁旅皇家馬德里雖然有基斯坦奴朗拿度(C朗)坐完五場波監復出,但球隊喺周三主場爆冷以0:1輸畀貝迪斯,而且C朗12次射門得兩腳中框,包括近門糟蹋咗個機會,令「銀河艦隊」連續73場入波紀錄斷纜,無法打破巴甲山度士嘅壯舉,而且已經落後榜首巴塞七分!比賽期間亦發生一段小插曲,C朗下半場控甩波,敵衞艾沙文迪瞓低飛鏟。C朗就唔知有意定無意,一腳踩咗落艾沙文迪隻小腿度,好彩冇俾球證睇到,最後連牌都冇張。