前港督肥彭，今晚就會離開香港，噚日接受《蘋果》專訪時，肥彭就好關心紙媒發展，話世界各地越來越少人睇紙媒，佢屋企嘅小朋友都只用手機睇網上資訊，但佢仍然鍾情紙媒，堅持日睇3份，包括《金融時報》、《泰晤士報》同《衞報》，網上則睇《經濟學人》同《紐約書評》等，但慨嘆現時要搵到佢想睇嘅香港新聞唔容易。
肥彭本新書《First Confession》6月出版，點解佢9月先嚟香港？肥彭解釋，原本計劃6、7月來港，可惜身兼牛津大學校長嘅佢亦校務繁忙，所以最近先來港宣傳新書，順便同牛津大學舊生敍舊，佢又搞笑話，從冇想過自己會被拒入境香港，因為佢每次訪港，港人都對佢好友善，雖然訪港行程緊密，但肥彭話已經食過兩次蛋撻，仲搞笑話：「唔好話畀我老婆知啊！」