效力貝利嘅香港足球小將戴偉浚，喺周二晚場英錦標分組賽北部C組首輪正選上陣兼踢足全場，可惜最終慘吞另一英甲球隊羅奇代爾四蛋。今場貝利領隊李爾奇勒派戴偉浚同幾名青訓踢正選，對比上場聯賽，今場正選11個全部換晒。場波雖然輸0:4，而《貝利時報》亦評浚仔今場表現得五分，論分數雖然只屬中規中矩，但已經係隊中第二高。