強國真係山寨大國，好似體育品牌，之前就有喬丹、馬丁叔叔、新百倫，抄邊個國際品牌大家心知肚明，最近福建晉江又有一個新品牌誕生，請恕小弟讀得書少，Recbcek點讀就唔多知，中文名就叫銳尚，英國品牌Reebok中文叫銳步，加上個Logo介兩條白斜間同一條紅斜間交叉，只係反轉Reebok個logo想過骨，係唔係山寨，大家心中有數。
正所謂做戲做全套，銳尚就搞咗大型發佈會，請埋中外模特兒示範佢啲產品，仲聲稱有專利系統，成立日期就叫老實啲，自稱2018年誕生。不過銳尚推出市場，連強國人都唔多受落，有網民討論區講，「馬丁叔叔睿智新生、人家說了、死了一個再來一個、前赴後繼。」亦有人恥笑「銳步已經沒落了，山寨沒有意思。」