有唔少人不惜離鄉別井漂泊半生，走到世界嘅另一端，都係為咗好似足球小將入面嘅戴志偉一樣，追尋自己的足球夢。
今日嘅主角就係柴崎岳，用埋足球小將都係想突顯出佢外闖有幾堅揪。喺鹿島鹿角出身嘅佢，2016年就喺世界冠軍球員盃，對住皇馬一扭三，仲要入埋波。當年柴崎岳同C朗、莫迪歷一齊做埋最佳球員。
因為咁，柴崎岳畀西乙嘅特內里費睇中，過到西班牙佢一開頭都有啲唔習慣，不過佢都好快克服問題，仲喺特內里費交到好表現，好受球迷歡迎。
短短效力特內里費半季，就畀升班馬基達菲睇中，25歲嘅佢就正式登陸西甲。
上周六對巴塞仲入球世界波，十足真人版戴志偉。同柴崎岳一樣著10號嘅美斯，周三仲有快車要踢，巴塞主場對同樣有日本代表乾貴士嘅伊巴。周四就有皇馬主場對貝迪斯周四就有皇馬主場對貝迪斯。
C朗終於復出 記得留意喇！