雖然活在iPhone X的陰影之下，令iPhone 8和8 Plus的注目度減了不少，但其實兩部新機在外形和功能上都跟上代iPhone 7有不少不同，上星期發佈會未睇真新機？唔緊要，我們已經從美國空運了兩部新機到港，和大家一同搶先開箱。iPhone 8和8 Plus機盒用上玻璃機背作封面，金色機就全個用上接近粉紅色，相對較特別，開箱後佈局和配件都跟上代大致相同。
講到最特別，當然是今次新機用上玻璃作機背，實試手感比上代的金屬好，不易跣手，亦不容易留有指紋，相比下更發現頗有經典iPhone 4的感覺。顏色方面，新機設金色、銀色和太空灰，當中金色比較特別，觀感介乎上代的金和玫瑰金之間，屬淺粉紅金色，睇落更中性溫和，更討好。另外，數字上iPhone 8、8 Plus都比iPhone7、7 Plus輕微長了0.1mm、闊了和厚了0.2mm，但其實從外形和手感上新舊機可說是完全一樣，實試下新舊機殼也能互相通用。
記者：韓繼聰
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily