跑過五期賽事，有唔少馬匹經已上陣兩次，而且經過熱身一仗後名次更上一層樓，好似「鑽飾傳奇」、「綠勇士」、「紅星」及「你知我意」等，都係跑過一場開氣後取得好成績的，大家度馬時候不妨留意呢類馬匹。
有啲馬匹開氣熱身後有好成績，但有啲騎師熱身了廿場只得一個第二。講緊嘅係前冠軍騎師韋達，今季支持度大幅下跌，出賽總數二十場，只憑「萬里威揚」取得一席亞軍。畢竟，騎師是一個運動員，年紀漸大體能以及心理質素必有所下降，陣上表現自然較反覆，小心翼翼避免受傷。
例如，上星期三（13日）夜賽，韋達策騎「睡德福」逃過停賽一劫算是幸運；策騎「肥仔」亦只被警告有關他於末段的騎法。較早前於016場次韋達策騎「狀元才」取位算是機伶，但直路推騎落鞭笨手笨腳，結果末段時間僅次於頭馬「勇敢傳說」，「狀元才」屈居第四，如果直路上發揮更好的話，好大機會有亞軍。
明晚（20日），「狀元才」於第七場三班1200米再次上陣，以馬論馬，狀態其實已起，復課兩次快跳皆由韋達親試，顯得墜手有力，排三檔下，希望韋達能盡情發揮。
起尾注第八場二班1200米，當中唔少馬今季經已上陣熱過身，「一道」上次出賽已提賽前大閘吸引眼球，結果能取勝而回，馬匹復課田泰安愛不釋手，狀態比上次更提升，路程準望打疊再贏。
另外，「亞馬寶寶」更是季內第三次出賽，更抽到黃金1檔，前季至今C欄1檔1200米勝出率及上名率屬最高，本身亦夠快，貼欄早段能慳過其他對手，仍是著數。