港日大不同，香港炒iPhone，日本方面就炒超任，所講的是預計10月5日推出的迷你版超任主機「Nintendo Classic Mini Super Famicom」。相信好多機迷都有留意這部內置了21款遊戲的迷你版主機，日本方面在上周末開始進行預售，點知多間大型電器連鎖店都大排長龍，如東京秋葉原排隊等預訂的人龍比買Switch（Nintendo Switch在日本仍然缺貨）的人龍更長，網上隨即出現炒賣潮。
「Nintendo Classic Mini Super Famicom」原價其實只是7,980日圓（約$560／未連稅），從「価格.com」中所列出的Bid價所見，普遍都要炒到15,000日圓，炒價近一倍；不過更離譜的是在日本Amazon中更見到30,000日圓的標價，幾近原價的4倍，唔知最後有冇買家啦！至於香港方面，相信都會跟風炒高迷你版超任的價錢，只希望唔好太誇張就算！
資料來源：価格.com, Amazon.co.jp
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily