日前民主派發咗聯署信，譴責何君堯話殺死撐港獨言論嘅人，超越言論自由同道德底線，叫警方同律政司要採取行動，但原來熱血公民立法會議員鄭松泰冇簽到聯署，俾網民開拖，之後泰博喺fb解釋，但解完仲俾人鬧得勁。
泰博原先解釋，話聲明利用《公安條例》告何君堯，等同認同用惡法對付抗爭者，但隨即俾鬧爆佢搵藉口，仲要抹黑簽嘅人。於是泰博又再解釋咗，啲人唔理，反問係咪講道理嘅人已絕種？最後鬧嘅網民仲多，有人話用《公安條例》對付何，只係以彼之道，還施彼身，唔代表認同惡法喎！更有網民揶揄，當日泰博有份喺區選「配合」何君堯，令何俊仁係區選落敗，變相捧何君堯上位！