新練馬師麥菲文出師未捷，並因行馬機意外九駒一死八傷事件，備受關注，倉主應面對唔少無形壓力，最佳一振軍心提升士氣方法，肯定是盡早贏馬，所以必鬥志如虹。
本周三（20日）谷中夜賽，麥菲文只得「有智者」及「領航大師」兩駒出戰，大家的焦點都落在強配雷神莫雷拉的「有智者」身上，但其實第六場四班1650米之「領航大師」亦有晒搏殺動靜，絕非只出來熱身。
話說今朝（19日）晨課「領航大師」雖只由助手於內圈踱步，但麥菲文不但在烽火台用望遠鏡吼實其整個操練過程，在此駒出試前後，更一直mark實馬兒的出賽騎師祈普敦一齊睇馬，觀察「領航大師」的神態，兩人又傾個不停，擺明對今仗寄予厚望。
「領航大師」同程谷草一哩曾取2冠1亞2季成績，路有專長，賽前試過谷草大閘，備戰充足，加上今仗抽黃金一檔，難怪今朝麥菲文咁緊張了。