練馬師大摩簽貝湯美做主帥，暫時合作贏兩場不過不失。其實在香港，馬房如果唔用雷神莫雷拉，真係好難有好成績。季內跑過46場，雷神一人已取15Win，即平均每三場香港賽事，便有一場係雷神建功，如果邊位廐主搵到雷神做主帥，咁就發達咯！
當然，雷神唔會為一棵樹放棄一個森林，但練馬師方嘉柏就好醒，今期（20日）排位周三谷草夜馬，居然搵到雷神做影子主帥，合作「文藝復興」、「全勝姿態」、「騏名燈」及「糖黐豆」共四駒之多。
能夠吸引到雷神為你一個人服務咁多場，唔使講今期方嘉柏手馬一定機會突出，惡到不得了。這四駒全部今季已熱身，狀態有保證。
尤其五班谷草1800米之「糖黐豆」，曾6次配雷神跑此程得4冠1殿1第五，人馬最夾。上仗何澤堯騎跑沙田完全不合，68倍仍後上如飛得第四，今次用雷神改爭首本路程，就算跑第二方嘉柏都未必滿意。