【爆相爆片】今屆港姐冠軍雷莊𠒇（Juliette）因一棚哨牙勁吸負評，尤其早前素顏現身尖沙嘴被讀者「爆相爆片」，Juliette慘受網友批評「唔靚」。不足十日，Juliette日前又被讀者「爆相爆片」，今次就化行妝搭港鐵。
疑用假貨
讀者鄭小姐在電話訪問中表示，日前晚上7時許在港鐵車廂見到Juliette：「佢喺將軍澳綫過海，可能手上拎住月餅同啲紙袋好狼狽，所以佢一見到空位就走埋去坐。呢日佢就set咗頭同化咗妝，所以好易認出。當時佢隔籬坐咗一位媽咪同小朋友，見個媽咪認得佢，就同佢say hi，又一齊selfie。」
鄭小姐指聽到Juliette對小女孩的媽咪說本想搭的士去中環，因為驚塞車選擇搭港鐵。從讀者提供的相片，跟翌日Juliette在Instagram貼關之琳合照的打扮一樣，相信當晚是趕去參加對方的生日飯局。不過，有眼利讀者在《蘋果》網頁留言，質疑她用的Longchamp手袋似是假貨：「冇logo的！」、「Longchamp都唔係好貴箒，仲要去關之琳生日食飯，一眼被人睇穿咪瘀爆囉！」此手袋價值數百元。
採訪：唐琛悠
