曼聯係英超傳統班霸，亞洲粉絲更加可以冠絕各大球會；不過勢估計到連國家領導人都係魔迷，邊個？就係近期頻頻核試嘅北韓領導人金正恩。
據英國傳媒報導，一位同金正恩熟絡嘅意大利外交官爆料，指金正恩喺瑞士讀書時間，就鍾意AC米蘭，仲成日偷偷地離開瑞士，去到米蘭聖西路球場睇波添。不過回國之後，就鍾意曼聯，亦要求北韓電視台轉播曼聯比賽，全國有冇得睇就唔知，不過金正恩就一定有得睇。最搞笑曼聯班主係美國人，肥仔恩唔係視美國世仇咩？
呢位外交官仲話，肥仔恩有心願，希望有北韓球員可以踢到英超添，不過宜家聯合國制裁緊北韓，北韓球員都冇乜機會踢英超嘞。