財政司司長陳茂波噚日連跑幾場，出席各式活動，冇計，女波士娥特以勤力見稱，做細嘅點敢唔效法顯示隊形？所以波叔噚日晨咁早已經新東同新西連跑兩場，先到大埔科學園出席Lifewire《護．聯網》舉辦嘅「愛跑．香港地」慈善籌款活動，食衞局前局長高永文都有出席撐場；其後轉戰位於新西嘅迪士尼，出席「Marvel 10K Weekend 2017」頒獎禮，台上巧遇「美國隊長」時，主動同對方握手，乜唔驚俾人扣帽子，被質疑勾結外國勢力咩？
呢位潮州架己冷，之後仲去咗旺角出席一個地區活動，學整潮州月餅，仲自嘲名副其實係「阿茂整餅」喎！