這天（16日）沙田日馬華人騎師何澤堯在師傅方嘉柏支持下，於第四場五班1400米憑「金武士」後上勝出呢場低班賽，單Win及組合獨贏A2分別派142及26元。何澤堯從而打破個人新馬季齋缽，方嘉柏亦告季內首勝沙田賽事。
六歲馬「金武士」由港澳均有養馬的資深馬主林景培持有，此駒過往在港兩捷為五班谷草1200及五班田草1200米，呢次爆冷是牠首勝1200米以上途程，沿途守第九位，直路中段仍以為牠必敗，很遲才撻着，但一撻着即似高班馬，臨尾勁如炮彈，以頸位之先衝贏對手，爆14倍Win。
練馬師鄭俊偉這天都算黑仔，第三場「大道至公」杜利萊搏輸做阿二後，今場又有「哈哈笑」在莫雷拉胯下出擊做二奶被「金武士」追過，馬房今日仲未贏馬。
第四場又大冧巴馬當造，10號「金武士」第一、12號「哈哈笑」第二、2號「駕迅」第三、9號「踏雪名駒」第四，四重彩派一萬七千幾。