活在石屎森林，抬頭只見密密麻麻樓貼樓，放假到公園散個步，想掂吓草皮都唔得，不可在草地奔跑、踩單車、玩飛碟，野餐都唔使諗，不過，有個新盤讓住戶可以盡情同花花草草玩遊戲。
位處錦田鄉郊的新地（016）Park Yoho，雖然交通不便、周遭有電塔，但換來的是今明兩年入伙新盤中最大的戶外空間，包括有約50萬方呎私人鹹淡水濕地「候花園」。
屋苑範圍內有多片草地可以予住戶使用，執齊餐墊、書本、零食飲草落樓就可以一家人愉快野餐也好、曬日光浴也好、玩數字球也好，至少無需車勞舟頓、一揪二楞到處走。
靠近尚未開售的2B期位置有「麥田園」迷宮，由約一米高的籬笆組成，闊度約一米，寄納到幾個5歲到10歲的小朋友互相追逐，重點是家長就咁企度就足夠俯瞰全埸，唔怕有危險。
雖然Park Yoho有大量草叢，但設有為數不少的太陽能滅蚊燈，可以放任小朋友著通爽短褲仔，唔洗追住佢猛噴攻鼻蚊怕水。
嫌細路仔淨喺識跑來跑走學唔到野，可以捉佢哋去參加生態導賞團，學習如辨識180種生態物種，包括鷺鳥、斑麗翅蜻、統帥青鳳蝶及瀕危物種「廣瀨妹蟌」。
Park Yoho現時管理費每呎3.86元，當中會撥2%到3%的開支佢為管理及維護生態保育區承擔費用，一個兩房單位平均為此付出每月約數十元。