有「宇宙巨G.E.M.」之稱的鄧紫棋，昨晚起一連三晚在紅館舉行「G.E.M. Queen of Hearts世界巡迴演唱會香港站」，她大晒心形胸又露粗髀。相比前年演唱會門票最貴1,880元，今次演唱會的VIP門票亦緊隨通脹，最貴1980元一張，場館外更有近60款產品出售。
大媽黑底再現
演唱會於晚上8時30分正式開始，捧場的圈中人包括有張栢芝，她偕同囝囝Quintus及胞弟張豪龍入場，另外，張文慈、G.E.M.的母親和外公亦一早入場坐定定等開場。
G.E.M.穿衣風格一度被評為「時裝車禍」，昨晚她出場穿的一件火紅色低胸連身短裙，國產味極濃，除了心口正中開了個心形窿窿，其一向鍾情的大媽黑底亦再現，加上一對黑色長Boots，令個子不高的她，雙腳看來更加粗壯。
唱國語歌為主
G.E.M.演唱會歌曲以國語歌為主，開場先唱《A.I.N.Y.》，緊接只唱了一首廣東歌《What Have U Done》，之後又繼續唱國語歌。唱了三首歌後，G.E.M.終於開腔：「紅館我返嚟喇！唔知點解紅館就係有神奇力量，我頭先未出場企喺台中間，見到全場都係紅色，因為大家嘅螢光棒，感覺好似好大咁，我從未開過四面台，今次已經係我人生第五次喺紅館。」
之後G.E.M.又說：「多謝你哋陪我，喺開騷前一個鐘唔知點解我好緊張，好似第一次開騷咁，就算爸爸媽媽嚟後台搵我，我都淨係識得係呀係呀，但一出到嚟望到你哋覺得，你哋實在太靚，呢種感覺好震撼好珍貴，多謝你哋！」
採訪：曹家誠
攝影：沈健程
