最近除咗前特首梁振英做非牟利公司董事，仲有班前問責官排隊等批做新工，噚日前任行政長官及政治委任官員離職後工作諮詢委員會又公佈，批准前教育局長吳克儉，今日起出任上海大學MBA中心臨時兼任教授，教組織行為學，不過八方奇怪，吳任內最出名明明係去旅行，點解有人會搵佢教MBA課程？
另外委員會亦批咗環境局前副局長陸恭蕙，更新佢嘅舊作《Underground Front：The Chinese Communist Party in Hong Kong》（《地下戰線：中共在香港的歷史》）。呢本書係2010年香港大學出版社出版，研究中國共產黨1921年建黨以來喺香港發揮作用，唔知陸恭蕙又會唔會將近年地下黨在港活動加入書內？