隨着醫學及科技越來越進步，不少長者仍有心有力為社會服務，達到老有所為。為人熟悉的深水埗明哥「愛心飯堂」故事散落社區，65歲的鄭錫如於觀塘順安邨經營開鎖小店「錫記」，逾30年服務邨內居民，為長者建立友善社區，更在友善商舖顯關愛計劃中獲獎。
鄭錫如對於獲獎稱平常心，安於擔任「開鎖佬」：「我都係做番自己角色，盡自己嘅責任，覺得係對長者嘅責任，對攞獎冇乜感受。」他於順安邨經營「錫記鎖匙」30多年，「以前一個月唔夠10個人話要開鎖，𠵱家每日都有人要我幫手開鎖」，因邨內的居民年紀漸大，記憶力衰退，很多時忘記帶鎖匙外出。他笑說：「每年年卅晚總有老人家唔記得帶鎖匙，但我年年都希望嗰日冇人要我開鎖，哈哈！」
他提到，長者一般記性較差，與他們相處需要更多耐性，有時還會教授他們小知識，例如「長者煲緊嘢但又唔記得帶鎖匙，咁我又未嚟到，我會教佢喺外面閂咗個煤氣先」。
開鎖曾遇長者倒斃屋內
他憶述這些年開鎖遇見的人和事，指有時開鎖後會發現長者倒斃屋內，「試過幾次有屋企人或鄰居發現長者好多日唔出現，咁開鎖入去就發現佢死咗……又試過有老人家中風暈咗喺門口，咁開唔到門入去，最後推開少少、再用手推開佢個頭先入到去」。
見盡不少居民變老甚至老死的他坦言，生死是人生自然不過的事，曾有長者叫他裝鎖時不要裝得太緊，好讓他日即使家中離世，救護員也不必費力開門，他希望更多人關心社會上的長者。
社署推行的2016至2018年度老有所為活動計劃，在一年計劃項目中，觀塘區的友善商舖顯關愛計劃獲地區最佳活動，計劃由基督教家庭服務中心順安長者地區中心籌備，計劃成員之一何鍏玲稱，計劃是借鑑深水埗明哥的故事，將左鄰右里概念擴展到社區，已不斷向商戶宣傳友善長者元素，希望推廣至更多商戶。
■記者張文鈴