可能見到多年對手蔡約翰開始有啲異樣，所以上季破練馬師總獎金紀錄嘅大摩，今朝早（14日）都唔敢放軟手腳，怠慢今期戰馬嘅備戰情況，仲拉埋自己仔仔喬治一早落機坪，組成父子檔近距離聽主帥貝湯美進行匯報。
而貝湯美呢朝亦相當勤力，一口氣幫波士操九匹馬，其中四駒係今期日賽戰馬，為頭場「駿馬翹楚」、六場「勝利專家」、八場「確威風」及十場「綠勇士」。
無他嘅，貝湯美來港後，只為波士暫得冠亞季各一，成績未算話好亮眼，連操馬都唔係自己操嘅話，又點向大摩馬房一眾馬主交代呢？
不過，大摩依然相當信任呢位馬房新主帥，將周六（16日）大部份戰馬交俾佢打骰。其中頭場「駿馬翹楚」、第六場「勝利專家」及第九場「多紅利」正正就係湯美仔胯下的惡馬，今次值得留意。