特首林鄭月娥嘅首份施政報告10月11日出爐；既然係頭炮，施政方向肯定瓣瓣有，外界關注嘅自然係當中有乜新猶？八方聽聞撇開內容以外，當日嘅公佈方式，亦唔同以往特首。
眾所周知林鄭向來唔多鍾意吹風，以往嘅傳媒聚會通常開埋名評論，而就算傳媒問題多多，好打得嘅佢一啲都未驚過，加上公佈施政報告當日行程緊密，政府高層未必有時間消息外界反應，據聞林鄭會取消記者會後嘅高層吹風會安排，即係上午到立法會宣讀後，下午就舉行記者會，記招時間可能較以往長，盡量回應更多傳媒提問。
向來當晚都有嘅電子傳媒聯合論壇，照樣都會續辦，唔少得嘅梗係翌日嘅特首答問大會呢場大龍鳳。