馬會近排搞咗個《千里路踏前步》嘅個人21日挑戰活動，唔單止搵咗城中多位體壇好手、名人等，例如雷神莫雷拉、牛下女車神李慧詩、神奇小子曹星如、麥兜作者麥家碧、跳舞名師Sunny Wong及作曲家高世章撐場外，仲拉埋舞台王者郭富城拍咗套宣傳短片。
喺短片入面，城城大講自己喺演藝路上成功嘅座右銘，鏡頭下嘅佢依然chok到一個極點。而且，片段上傳不足一星期，已經吸引超過廿萬人次觀看過，睇嚟馬會今次搵城城做活動代言人，都尚算成功。
講番《千里路 踏前步》嘅內容先，只要馬迷選擇好上述七位名人俾嘅挑戰，例如跟曹星如食得健康，跟李慧詩操fit對腳，而剛新加入城城嘅則仲未公佈有乜挑戰。
只要喺於7月20日至12月31日期間，連續21日完成揀好嘅簡單任務，馬會將會為首10,000名完成挑戰人士，每位捐出港幣365元予聯合國兒童基金香港委員會（UNICEF HK），作慈善用途。
既能為自己增值，又可做埋慈善，助已助人，所以各位馬迷快啲嚟參加！
詳情請瀏覽以下網址： https://strideon21day.com/
圖片來源：香港賽馬會